ViuTV節目《晚吹 – 讓我一次買個夠》由唐劍康（當奴）和練美娟（娟姐）擔任主持。以購物為主題，節目會邀請不同嘉賓分享Shopping經驗趣事，並由心理學家黃仲遠（Mills）進行分析，讓觀眾更了解嘉賓不為人知的一面。
節目最新一集，邀請到阮小儀（小儀）擔任嘉賓，與主持分享購物趣事。當奴自爆當年曾承諾如果無拖拍的話，就會娶小儀。他笑言全因當時小儀是電台裡面最早買樓的人，所以要先泊定個好碼頭：「因為佢係儲好多錢，仲早過少爺占（甄子康）買樓。所以我就諗娶佢都正，可以有層樓。」聞言的小儀自爆當年同一時間其實亦和「好碼頭」余迪偉開盤：「因為佢有加拿大籍，所以我同佢講如果第日無人要嘅話，可唔可以嫁俾佢。」
而問及最瘋狂的一次購物經歷，小儀指曾試過有次在拍攝節目放飯途中，購買了一部汽車。她笑言當時適逢某品牌有指定車輛進行折扣，再加上購物慾十分旺盛，於是在午飯期間，連同兩位識車之人金剛（李信樵）和導演一起去看車。小儀指試坐車輛期間，亦有問金剛意見：「我話金剛你咁肥大，坐得舒唔舒服？金剛話有少少頂頂地但係OK。咁跟住我就買咗。」她表示這是人生唯一一次如此任性地買車。
(Copyright 2023 KTSF. All Rights Reserved. This material may not be published, broadcast, rewritten, or redistributed.)
版權所有，不得轉載。
